Galicia infinda

Galicia infinda, así a chamaba Florencio Delgado Gurriarán e así a consideramos no colexio, e para emular a Florencio fixemos un mapamundi e alí colocamos cada un de nós a nosa querida e adorada Galicia.

Gracias a Florencio puidemos evadirnos e situarnos na aldea de Córgomo, nos viñedos, nos traballos do campo.

Achegámonos á figura deste escritor, editor e militante político por medio duns rapaces da ESO e a colaboración de todo o colexio para recoñecer a relevancia que tivo Florencio para a cultura e a historia de Galicia.

Para rematar o acto todo o colexio levamos para a casa unha pulseira da bandeira de Galicia como agasallo do departamento de Normalización para non esquecer a importancia de falar e querer o noso idioma, “O Galego”.

Leer más

Proxecto: O Cambio é o Camiño (Francés)

Neste curso levamos a cabo na ESO un proxecto interdisciplinar relacionado co Camiño de Santiago, titulado O CAMBIO É O CAMIÑO. Na materia de Francés, os alumnos de 3ºB ESO realizaron unha entrevista a través de Google Meet aos alumnos de 3º do colexio francés Le Prieuré de Sambin, colexio co cal levamos facendo intercambios dende o ano 2011. Os obxectivos da entrevista eran practicar a lingua francesa nun contexto real, manter a boa relación que existe dende hai 10 anos entre os dous colexios, a pesar de non poder facer o intercambio dende que houbo a pandemia, e sobre todo descubrir o que coñecen os adolescentes franceses sobre o noso Camiño. Quedaredes soprendidos do moito que saben do noso Apóstolo, da súa catedral e da tradición do noso Camiño, no cal participan tamén amigos e familiares destes alumnos franceses!!

Fondo solidario de libros, e axudas para adquisición de libros e material para o curso 2022-2023

O pasado 18 de maio saiu publicada no DOG a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23. Acceso á Orde completa neste enlace.

NON SE PODERÁ TRAMITAR NINGUNHA SOLICITUDE QUE NON ESTEA TOTALMENTE CUBERTA, ASINADA E ACOMPAÑADA DO LIBRO DE FAMILIA COMPLETO

Dentro desta convocatoria recóllense tres tipos de axuda nunha mesma solicitude:

  1. O préstamo de libros de texto do fondo solidario constituído no Colexio (para os cursos 3º, 4º, 5º e 6º de Educación Primaria e para 1º, 2º, 3º e 4º de Educación Secundaria Obrigatoria).
  2. Axudas para a adquisición de libros de texto (para os cursos 1º e 2º de Ed. Primaria e Educación Especial).
  3. Axudas para a adquisición de material escolar (para Ed. Primaria, ESO e Educación Especial).

O alumnado ten a obriga de conservar en bo estado os libros de texto e o material reutilizable recibido do fondo solidario ou adquirido con cargo ás axudas neste curso escolar 2021/22. Todo o alumnado sen excepción debe devolver os libros do fondo ata o 22 de xuño.

Leer más

Unha Pascua con sentido

O pasado venres reunímonos para celebrar a Pascua. O obxectivo foi achegarnos á experiencia da resurrección de Xesús, coñecer o efectos que produce este feito nas persoas, os cambios que se produciron nos discípulos e tamén en nós. Aprendemos que o verdadeiro sentimento que nos move ao cambio é o AMOR.

Como sabemos, Xesús pasou pola vida facendo o ben, o que o levou a AMAR sen límites a todo o mundo, sobre todo, aos máis vulnerables. Desde o colexio fixemos un chamamento para apostar pola vida, por liberarnos de todas as nosas ataduras, dos nosos complexos para poder ser persoas felices. Xuntos vivimos os resultados dunha Pascua con sentido e desde os cinco sentidos.

Leer más

A danza da choiva

No segundo trimestre os nenos de tres anos disfrutamos como indios do proxecto «Danza da choiva» co que aprendemos os costumes do Indios, de qué se alimentaban, cómo facían as súas roupas, ónde vivían, cómo lles gustaba celebrar… Aquí vos deixamos unhas mostras de cómo o vivimos.

Leer más

Colaboración coa Asociación Misela

O pasado mes de marzo o grupo Alcor colaborou coa Asociación Misela no seu proxecto Voga-voga. Con eles aprendemos a separar os tipos de lixo para así reciclalos e darlle unha segunda vida. Con esta aprendizaxe fomos limpar as praias da nosa contorna. Estamos moi agradecidos a esta Asociación que tanto nos ensinou e nos fixo disfrutar.