Festa da imposición da pañoleta

O pasado 31 de maio foi un día moi especial para Alcor Noia, celebramos o aniversario da nosa Fundadora Santa Cándida María de Xesús coa tradicional Festa da Imposición da Pañoleta. Os Alcorinos renovamos o noso compromiso co grupo cristián ao que pertencemos e recibimos a pañoleta, personalización ou estrela correspondente. Despois da emoción da celebración, tivemos unha “xincana” polo patio onde nos divertimos superando diferentes probas. Con isto pechamos un curso atípico onde botamos de menos saídas, campamentos… pero o que nunca botamos en falta é o noso compromiso por seguir creando un mundo mellor.

Axudas do Concello de Noia para adquisición de libros de texto e material

O Concello de Noia vén de publicar as bases da convocatoria das axudas para adquisición de libros de texto e material didáctico e para o financiamento do servizo de comedor escolar para educación infantil e primaria, durante o curso académico 2021-2022, para todas aquelas familias empadroadas e escolarizadas en Noia nas etapas de Educación Infantil ou Educación Primaria.

As solicitudes deberán presentarse no Concello de Noia, correctamente cubertas e coa documentación obrigatoria completa, a través do Rexistro de entrada ou da sede electrónica do Concello de Noia, desde o 17 de xuño ata o 07 de xullo de 2021 (ambos os dous incluídos).

Sinalar que no caso de que as axudas se soliciten para dous ou máis irmáns, deberá presentarse unha solicitude por cada alumno.

A convocatoria completa pódese consultar no BOP da Coruña no seguinte enlace:

https://bop.dacoruna.gal/bopportal/publicado/2021/06/07/2021_0000004775.pdf

Desde aquí se poden descargar os seguintes arquivos:

Para dúbidas e máis información, consultar directamente co Concello de Noia.

Acto de peche da Catequese Familiar

Nun curso atípico, raro e diferente comezaba no mes de outubro a preparación para a Primeira Comunión. Os pais e nais cumpriron o seu rol de catequistas e acompañaron con adicación aos seus fillos e fillas neste  novo camiño da fe. Grazas por todos o momentos compartidos e porque a pesar de todo conseguimos seguir “conectados” e CREAndo camiños.
Parabéns e moitas felicidades para aqueles que celebrarán nestes meses o sacramento da Eucaristía!!

Aniversario de Santa Cándida

O pasado venres celebramos o aniversario da nosa Fundadora, Santa Cándida María de Xesús. Seguindo todas as medidas sanitarias puidemos desfrutar dunha xornada de xogos virtuais, sesións de zumba organizadas polos alumnos, música, diversión e algunha que outra sorpresa, tanto na aula coma no patio.

Comezabamos a xornada cunha Celebración da Palabra adicada á Nai Cándida. Os alumnos de Infantil fixeron unha pequena procesión con ofrendas para felicitala e os maiores prepararon un baile moi bonito para ela. Repasamos todo o que foi o noso camiño, fixemos balance de todo o aprendido e de como nos sentimos durante este atípico curso. Tamén quixemos dar grazas por poder pasar esta xornada xuntos e poder vivir a celebración coa presencia das familias, aínda que fose de maneira telemática.

Leer más

Día das Letras Galegas

Os alumnos do Colexio María Assumpta de Noia celebraron con moita ilusión o Día das Letras Galegas a través da plataforma Zoom.

O día 14 de Maio celebramos no colexio o día das Letras Galegas dedicado este ano á escritora, poetisa e tradutora Xela Arias.

Aínda que este ano foi unha xornada diferente marcada polo protocolo e distanciamento social,  todo o alumnado- dende o ciclo de Infantil ata a etapa da ESO-, esperaba este día con gran expectación xa que eran partícipes, plasmando a obra da autora nun vídeo emitido por Zoom destinado á comunidade educativa, sen esquecernos das familias, presentes en todo momento.

Leer más

Prácticas Bioloxía en 4º ESO

Rematamos o curso inmersos no laboratorio, preparando os nosos postos de Ciencias, prácticas e decoración que teremos que explicar na aula. Que reacción transcurre no proceso que estamos poñendo en práctica? Cales son os reactivos? Que productos obtemos? E moi divertido facer estes experimentos, pero ollo! Todo o que sucede neles ten que ter unha explicación, e iso é o que nós hemos de comprender.

Fondo solidario de libros, e axudas para adquisición de libros e material para o curso 2021-2022

O pasado 20 de maio saiu publicada no DOG a Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22 (código de procedemento ED330B). Acceso á Orde completa neste enlace.

NON SE PODERÁ TRAMITAR NINGUNHA SOLICITUDE QUE NON ESTEA TOTALMENTE CUBERTA, ASINADA E ACOMPAÑADA DO LIBRO DE FAMILIA COMPLETO

Dentro desta convocatoria recóllense tres tipos de axuda nunha mesma solicitude:

  1. O préstamo de libros de texto do fondo solidario constituído no Colexio (para os cursos 3º, 4º, 5º e 6º de Educación Primaria e para 1º, 2º, 3º e 4º de Educación Secundaria Obrigatoria).
  2. Axudas para a adquisición de libros de texto (para os cursos 1º e 2º de Ed. Primaria e Educación Especial).
  3. Axudas para a adquisición de material escolar (para Ed. Primaria, ESO e Educación Especial).

O alumnado ten a obriga de conservar en bo estado os libros de texto e o material reutilizable recibido do fondo solidario ou adquirido con cargo ás axudas no curso escolar 2021/22. Todo o alumnado sen excepción debe devolver os libros do fondo ata o 22 de xuño. O alumnado de ESO con materias suspensas poderá recoller de novo durante a última semana de xuño os libros desas materias e deberá efectuar a devolución deses libros antes do 07 de setembro.

Leer más