Comeza un tempo de descanso e desconexión

Nestas vacacións, anímate a ler! É unha magnífica actividade que proporciona moitos beneficios, sexa cal sexa a nosa idade. A lectura tamén axuda ao desenvolvemento dos nenos e adolescentes e a mellorar o vínculo familiar. Un bo libro ofrece moitas posibilidades para seguir medrando.

Desde a biblioteca do Colexio ofrecémosvos un listado de lecturas que vos farán vivir mil e unha aventuras…
Velaí vai!.. BOOKFLIX VERÁN

Graduación 4º ESO 2022

Este curso, unha vez máis, despedimos aos alumnos de 4º de ESO cun emotivo acto de graduación no que participou todo o profesorado do colexio, os nosos alumnos e as familias. Agradecemos ao Concello de Noia os medios que nos proporcionaron a través do Concelleiro de Cultura, José Pérez.

Para nós é unha celebración na que se rende homenaxe ao esforzo de alumnos e de profesores, ao longo de varias etapas educativas en moitos casos, e á confianza que as familias depositaron en nós nestes anos.

Arrancamos cunha peza musical a cargo de alumnos de 4º co profesor de Música e ao longo do acto representantes de pais e nais, de profesores e de alumnos, deixáronnos as súas emotivas mensaxes de despedida. Igualmente conmovedor foi o vídeo que nos prepararon os alumnos graduados coa axuda do seu profesor de inglés.

Moi boa sorte a todos e grazas por encher as nosas aulas de vida, traballo e ilusión. No colexio Maria Assumpta sempre seredes benvidos.

Cremos en vós.

Leer más

Diversión en infantil

O pasado venres, os nenos e nenas de Educación Infantil pasamos unha mañá moi divertida con todos os nosos amigos do cole e profes. Saltamos moito nas colchonetas e nas piscinas de bolas, practicamos equilibrio, escalada, boxeo… Compartimos xogos e moitas risas que formarán para sempre parte do noso recordo.

Leer más

Por fin… 3º ESO de saída cultural!!! Nada máis e nada menos que ao Ecoparque Multiaventura Atalaia en Cotobade (Pontevedra). Pasámolo en grande: rocódromo, futbolín humano,  súper-tirolina, paintball… nun entorno natural marabilloso. Ao rematar, comida e visita a Pontevedra. Podemos pedir máis?

Imposición da Pañoleta

Como todos os anos, no mes de maio o grupo Alcor celebrou a súa tradicional Festa da Imposición da Pañoleta. Comezamos a xornada cunha celebración moi emotiva onde cada Alcorino recibiu o signo de pertenza ao grupo que expresa os anos de dedicación e entrega. Continuamos a xornada cunha camiñata ata a praia das «Gaviotas» no que disfrutamos das paisaxes tan fermosas que nos rodean e agradecemos o afortunados que somos por vivir e poder disfrutar da nosa contorna. 

Aniversario Santa Cándida: Cre, crea… cambia!

Despois de moito tempo, o pasado venres puidemos disfrutar da nosa tradicional festa de fin de curso. A xornada comezou coa celebración de aniversario de Santa Cándida, a nosa fundadora. Foi un momento moi emotivo onde toda a Comunidade Educativa lembramos todo o aprendido nestes tres últimos anos. Moitas cousas pasaron que nos cambiaron, pero que nos fixeron máis fortes.
A festa continuou ao ritmo “das Vegas”, música, xogos e moita diversión acompañáronnos durante toda a xornada festiva. Pequenos, maiores e profesores pasárono xenial aceptando os retos de cada proba preparada. 
Damos grazas ás Fillas de Xesús por todo o herdado e polo seu labor que comezou hai xa 150 anos, e que hoxe está presente en 17 países do mundo. Grazas tamén ás familias por estar presentes en cada momento vivido e por axudarnos a seguir medrando ano tras ano. Ata a próxima!

Leer más

Saída a Ribeira de 3º de Primaria

Os nenos e nenas de 3º de Primaria, tras dous longos anos de espera, puidemos por fin disfrutar doutra saída cos compañeiros nesta ocasión visitamos o parque periurbano de Ribeira. Alí tivemos unha pequena visita guiada na sala de exposición arqueolóxica e puidemos disfrutar de xacementos arqueolóxicos e réplicas, onde descubrimos elementos da historia da nosa zona, ampliando tamén o traballado na aula en Social Science. Tamén tivemos unha pequena camiñata, disfrutamos dunhas fermosas vistas do lugar e, sobre todo, pasamos unha xornada moi divertida na compañía dos nosos compañeiros. Xa temos ganas de volver repetir!!

Leer más