Matrículas de honra

Este curso escolar 20-21 rematou cunha mención moi especial para 4 alumnas do noso colexio. Polo seu sobresaínte rendemento académico na ESO: Celia Gómez Campos e Nerea Neira Sieira, e en Ciclos Formativos: Aldara Crujeiras Iglesias e María del Carmen Queiro Abeijón, recibiron a súa merecidísima Matrícula de Honra. Felicidades e moitos éxitos no voso futuro.

No Colexio Maria Assumpta CREMOS EN TI.

Graduación 4º ESO 2021

Este curso, unha vez máis, despedimos aos alumnos de 4º de ESO cun emotivo acto de graduación; no que participou todo o profesorado do colexio, os nosos alumnos, e na distancia, a través do noso canal de youtube, as familias. Agradecemos ao Concello de Noia os medios que nos proporcionaron a través do Concelleiro de Cultura, José Pérez, que fixo posible a retransmisión deste acto en directo.

Para nós é unha celebración na que se rende homenaxe ao esforzo de alumnos e de profesores, ao longo de varias etapas educativas en moitos casos, e á confianza que as familias depositaron en nós nestes anos.

Arrancamos cunha peza musical en directo a cargo de profesor e alumna, Manuel García e Nerea Neira; ao longo do acto representantes de pais e nais, de profesores e de alumnos, deixáronnos as súas emocionantes mensaxes de despedida. Igualmente conmovedor foi o vídeo que nos prepararon os alumnos graduados coa axuda do seu profesor, Josema González.

Moi boa sorte a todos e grazas por encher as nosas aulas de vida, traballo e ilusión. No colexio Maria Assumpta sempre seredes benvidos.

Cremos en vós.

Leer más

Prácticas Bioloxía en 4º ESO

Rematamos o curso inmersos no laboratorio, preparando os nosos postos de Ciencias, prácticas e decoración que teremos que explicar na aula. Que reacción transcurre no proceso que estamos poñendo en práctica? Cales son os reactivos? Que productos obtemos? E moi divertido facer estes experimentos, pero ollo! Todo o que sucede neles ten que ter unha explicación, e iso é o que nós hemos de comprender.

Audioconto en francés

As alumnas de Francés de 4ºESO prepararon un audiolibro en francés sobre o conto da Carapuchiña Vermella (Le Petit Chaperon Rouge). Este traballo realizárono dentro do proxecto de comprensión Como o digo (Comment le dire): un proxecto interdisciplinar no que se traballa a expresión oral en varias linguas e en materias diferentes.

Gravaron e ilustraron o conto para presentarllo aos alumnos de 3º e 4º EP: un público moi esixente que avaliou ao final o audioconto mediante un cuestionario online. Tamén puideron falar coas autoras e felicitalas a través dunha videoconferencia por Zoom.

Mitoloxía clásica

Desde Cultura Clásica de 3º ESO queremos compartir con vós unha pincelada do noso Proxecto de Mitoloxía Clásica.

Estivemos traballando desde as deidades primordiais ata os deuses do Olimpo, pasando polos sombríos habitantes do Hades. Historias de amor, celos, ira, ambición, mentiras… salpican os nosos proxectos finais. Deixámosvos unha pequena mostra.

Leer más

Tecnoloxía 2º ESO: Estruturas

Fabricamos unha estrutura con folios e cartón, foi o noso proxecto en tecnoloxía, unha representación ben feita, plano, medidas, materiais e finalmente, a nosa construción debe servir como pasarela e soportar ata 35 kilos. Isto pode ser un inicio para a Arquitectura, a Construción, o Deseño ou simplemente para aprender a ser “Construtores de Pontes”, este é quizáis o mellor ano para aprender a construír e demostrar que algo tan débil como o papel ou o cartón, se pode facer tan forte como sexa necesario, usando a estratexia e o deseño. Fixemos un vídeo do noso proxecto explicando o transcurso, podedes vernos nestas imaxes.

O meu grupo sanguíneo

En 4º da ESO, na optativa de Bioloxía, temos a sorte de poder traballar no laboratorio este ano tan inusual. A nosa primeira práctica foi a análise do noso grupo sanguíneo; un pinchazo, tres gotas, unha en cada porta, e 3 reactivos. Poidemos ver como o noso sangue reaccionaba con algún reactivo e con outros non, segundo os nosos antíxenos e a reacción cos anticorpos. Estas fotos amosan a nosa experiencia.