Vivindo en sociedade

Os alumnos de 4º de Primaria visitamos as instalacións da Policía Local e o Concello de Noia, como unha actividade máis do proxecto de Ciencias Sociais.

Os policías, concelleiros e demais persoal do concello atendéronnos moi ben e aclaráronnos moitas dúbidas. Tamén tivemos a oportunidade de coñecer en persoa ao alcalde que, no salón de plenos do concello, respondeu con moita amabilidade a todas cantas preguntas lle fixemos.

Moitas grazas a todos eles polo seu tempo e atención.

Rosalía no Maria Assumpta

“COA FRESCURA DOS CAMPOS DE NOIA E AS ALMAS…” comezamos no colexio Maria Assumpta a festa de Rosalía de Castro.

Defensora temperá dos dereitos das mulleres loitou toda a súa vida contra vento e marea para chegar onde ela quería; escribir o que sabía e sentía.

Cun feixe de cancións, poemas e unha pequena e bonita representación ondeamos no inmenso e profundo traballo desta poetisa nacida un 24 de febreiro en Santiago de Compostela.

“NASÍN CANDO AS PRANTAS NASEN, NO MES DAS FROLES NASÍN….”

No noso colexio celebramos o teu día dándoche todo e canto puidemos dar…

Visita ao mercado de Noia!

O pasado martes os nenos de 3 anos visitamos o mercado de Noia, alí vimos distintos postos da praza: peixarías, froiterías, carnicerías, xoiería… puidemos ver de cerca como é unha raia, un polbo, distintas froitas, verduras e carnes. Portáronse moi ben con nós dándonos un chocolate quentiño con churros… Mirade as fotos, que ben o pasamos!!!

Operación Bocata, Boliño e Cornecho

Un ano máis enREDámonos no proxecto solidario. Comezamos este luns coa operación bocata, cornecho e boliño. Pasamos un día estupendo compartindo xogos, talleres, deportes cos compañeiros/as do colexio Felipe de Castro e o instituto Virxe do Mar. Un día para agradecer e recordar a todos aqueles que non teñen tanto coma nós. O recaudado irá destinado á reparación do acueducto de auga no Valle de Elías Piña (República Dominicana), un proxecto das Fillas de Xesús que pretende mellorar a calidade de vida de todas estas persoas. GRAZAS A TODOS POLA VOSA COLABORACIÓN!

San Valentín solidario

O 14 de febreiro foi un día moi especial no Colexio. Os alumnos de Educación Infantil sorprenderon aos maiores preparando varios bailes nos que se respiraba moito amor pero, sobre todo, moita solidariedade. Foi un momento no que os maiores puideron desfrutar de todo o traballo que os máis pequenos prepararon e que quedou xenial. Pero cal foi o verdadeiro obxectivo deste baile? Pois todos tiñamos claro que axudar aos que máis nos necesitan, nesta ocasión recadando cacao para Cáritas. E vaia se o fixemos! En media hora xa tiñamos o cupo superado e os produtos seguían chegando. Todos quedamos moi contentos de poder seguir sendo solidarios dunha maneira divertida e sempre sumando experiencias novas. Que sucederá para o curso que vén? Teremos que agardar para velo. Moitas grazas a toda a Comunidade Educativa, especialmente ás familias, que sempre fan posible que os nosos obxectivos se cumpran.