Día da Muller

O pasado día 8 Marzo celebramos no colexio o Día da Muller cunha serie de actividades para visibilizar e concienciar aos alumnos e alumnas de que todos somos persoas e debemos ser tratados por igual. Así comezou o día cunha mesa de experiencias de mulleres cercanas onde explicaban as distintas realidades atopadas no seu entorno familiar, laboral e social. Tivemos tempo para compartir experiencias cunha enfermeira, unha garda civil, unha nai e traballadora na casa e unha auténtica polifacética. O alumnado participou con preguntas e aportacións persoais desta temática que nos afecta a todos no día a día. No recreo tamén tivemos un acto solidario para reivindicar a situación da muller, onde as mulleres do colexio desfrutaron dun recreo tranquilo e con menos tarefas que noutros días.

O alumnado máis pequeno participou con diversa decoración reivindicativa sobre a celebración do día 8 de marzo, onde amosaban a distintas mulleres traballando en distintos ámbitos laborais.

Moitísimas grazas a Elda, Beatriz, Maite e Salomé por querer compartir con nós as súas experiencias e a todas as familias pola vosa implicación nas distintas actividades.

 

Máis imaxes e vídeos:

Leer más

Entroido espacial!

Un ano máis a festividade do Entroido convocounos a unha celebración en familia, onde alumnos, mestres, pais, nais, avós… demos acollida ao noso Cabo Cañaveral particular e máis en concreto do noso centro Espacial de C.F., E.S.O., E. Primaria e E. Infantil, de onde despegamos a unha misión chea de ilusión e fantasía.

Grazas a todos por acompañarnos nesta tarde tan especial!

Máis imaxes:

Leer más

Con Xesús, enREDados pola Paz!

Durante este mes de xaneiro, traballamos dunha maneira moi especial os valores que van asociados a este día da Paz e non violencia. Hoxe, 30 de xaneiro, unímonos os 21 colexios da Fundación Educativa Jesuitinas pero tamén nos unimos ao resto do mundo. Co noso símbolo, representado por un sinal de STOP e un sinal de dirección obrigada, queremos dicir STOP para poder circular en Paz pola vida, e COME ON a circular respectando aos demais. Como na canción de Unai Quirós que estivemos a traballar, temos que regular o retrovisor para ver ben a quen podemos axudar; abrir o noso corazón, que é o noso motor, para repostalo de amor.

Pero, como sabedes, para nós, como Colexio da familia da Nai Cándida que somos, é moi importante ter estes valores moi presentes durante todo o curso, pero tamén cando saímos do Colexio, no noso día a día, sobre todo con quen nos necesita. Por iso, representantes de alumnos quixeron compartir un manifesto pola Paz, onde todos nos comprometemos a cumprir a nosa misión: SER EXEMPLO DE PAZ PARA OS DEMAIS!

EnREDados no Nadal de Xesús

Toda a Comunidade Educativa celebramos o Nadal organizando un Belén Vivente con moito mimo. Despois de prepararnos durante as catro semanas de Advento, chegamos á conclusión de que: “A vida, compartida, é máis”. Por iso, quixemos compartir este día en familia, desde a alegría e a humildade do auténtico Nadal de Xesús. Como punto final desta recreación elaboramos un flashmob no que todos tivemos cabida, foi todo un éxito! O Colexio Maria Assumpta deséxavos un bo Nadal no que cada un de nós sexamos luz para os demais.

O seu SÍ é o noso SÍ!

Esta semana celebramos o día de María, co nome de Inmaculada. Unha tradición que se repite ano tras ano, non só nos 21 colexios de España que formamos parte da Fundación Educativa Jesuitinas, senón tamén naqueles lugares nos que está presente a Fundación, así como as Fillas de Xesús. Son moitos os alumnos que cantan hoxe e cantaron o Mil Albricias, que non é outra cousa que expresar que estamos contentos por pertencer a unha gran familia.

Desta maneira, enREDámonos na alegría da Nai Cándida, que escolleu o día da Inmaculada Concepción para o nacemento dun proxecto que hoxe nos une a todos. Cheos de alegría dixemos SI a acoller todo ese soño por medio dunha Celebración da Palabra. Houbo momentos moi emotivos como a procesión adicada a María e o canto do Mil Albricias interpretado por todo o Colexio. Rematado o acto, toda a Comunidade Educativa puidemos compartir unha chocolatada que contou cunha grande participación.

Samaín 2018

A chegada das primeiras chuvias e a caída das primeiras follas anuncian no colexio a celebración de diferentes actividades que se enmarcan dentro do OUTONO ACTIVO.

O 31 de outubro celebramos o Samaín. Realizouse o xa tradicional “susto” no que os alumnos e profesores de Ciclos Formativos, coa nosa compañeira Susana á cabeza, decoraron de xeito “terrorífico” os corredores do colexio ademais de se disfrazar para recibir a todos os alumnos do cole, un momento inesquecible para a maioría deles no que as risas e os berros se resonaron ao longo dos tenebrosos corredores.

Por outra banda, a celebración do Samaín complétase coa exposición de cabazas realizada polos rapaces das diferentes etapas do colexio que adornaron os xardíns do patio escolar.

Aquí vos deixamos unhas fotos ilustrativas das diferentes actividades. Agardamos que vos gusten.