Charla da Garda Civil

O vindeiro luns 3 de xuño ás 15:30 terá lugar no Colexio a última charla do curso sobre “Violencia de xénero”, altamente recomendable para nais e pais, así como familiares en xeral.
Entrada libre e gratuíta.

ANPA do Colexio Maria Assumpta.

Charla da Garda Civil: novas tecnoloxías

Desde a Asociación de Nais e Pais, esta tarde aprendemos a movernos polas novas tecnoloxías, da man dun axente da Garda Civil, mediante técnicas, últimas noticias e consellos, gañamos ferramentas para combatir efectos indesexables para a educación dos nosos fillos e fillas dos dispositivos e videoxogos. Vémonos na seguinte e última conferencia deste ano, que será o luns 3 de Xuño ás 15:30, sobre “Violencia de xénero”. Recordade que a entrada é libre e gratuíta.

 

Día de Antón Fraguas

Dende “Telepeña” adentráronnos na vida e obra de Antón Fraguas, un rapaz e unha rapaza de sexto de primaria guiáronnos polas distintas actividades que prepararon con entusiasmo os nenos e nenas de todas as etapas do cole. Grazas a eles puidemos coñecer a fondo o vocabulario das distintas profesións galegas que tanto estudou o autor e coñecer as partes do traxe galego así como vivenciar unha conversa típica duns vellos dunha taberna. Non faltou o noso himno para amenizar a xornada e tampouco a risa nalgúns momentos do acto grazas a actuación das “avoas marchosas”. Noutra canle da nosa televisión particular, sintonizamos co concurso de “Pasafraguas”, onde os nenos e nenas de segundo de Primaria nos demostraron canto saben do homenaxeado de hoxe.

Rematamos a xornada coa entrega de premios do concurso literario organizado dende a Biblioteca do cole e obsequiando aos premiados pola ANPA en colaboración cos comercios locais.

Semana do Libro

AVISO: Por mor das inclemencias meteorolóxicas, as actividades previstas para a semana do libro aprázanse para os días 29 e 30 de abril.

Os días 29 e 30 de abril celebraremos a Semana do Libro.
En colaboración coa ANPA a biblioteca do colexio transformarase novamente en bibliopatio. Nos recreos, os alumnos poderán desfrutar dunha selección de libros nun espazo diferente, ao aire libre.
Además, o día 29, a ANPA propón o certame de “Canapés Literarios”, o alumnado poderá recoller na biblioteca citas de diversos libros que terán que adiviñar. O 30 de abril terán a solución ao certame cun pequeno agasallo para os que adiviñen a cita proposta.
Lembrar tamén que xa comenzou a recollida de obras do II Concurso Literario organizado tamén dende a Biblioteca coa colaboración da ANPA.