Día da Nai

O Día da Nai é unha festividade que se celebra en honor as nais de todo o mundo e que naceu alo polo 1865 como unha reunión onde as propias nais de cada familia intercambiaban opinións acerca de diversos temas.

Dende Alcor queremos facervos chegar vídeos creados polos propios rapaces onde se mostra con innovación e talento os sentimentos que temos acerca das nosas nais e acerca dos nosos seres queridos dende unha perspectiva intima e familiar.

Dende Alcor queremos ensalzar a empatía, o amor e a xenerosidade a través de este día tan especial.

Convivencia de ALCOR

A semana pasada algúns membros de ALCOR puideron desfrutar dunha convivencia na Fontiña con outros compañeiros de ALCOR Vigo. Durante os tres días non tiveron tempo para o aburrimento debido en gran medida as actividades organizadas presentes no privilexiado lugar.
Durante o primeiro día os nenos coñeceron aos compañeiros chegados do outro centro de Vigo, todos xuntos compartiron xogos e degustaron unha cea no recinto o aire libre na que intercambiaron impresións.
A segunda xornada estivo cargada de emocións nas que todos sen excepcións desfrutaron a primeira hora da maña da paixón pola velocidade nun circuíto de karts profesional. A segunda actividade foi un paseo en canoa no que mostraron a súas habilidades cos remos. Por último e para pechar o ciclo de actividades os nenos completaron un percorrido de minigolf no que algúns mostraron gran destreza cos paus.
O terceiro e último día das xornadas comezou cun sol radiante que fixo posible unha camiñata a “O Morro” durante a mañá, onde os nenos contemplaron a beleza do enclave xeográfico. Antes da volta á casa os integrantes de ALCOR participaron en xogos populares por equipos que foron o preludio á comida de despedida.
Durante esta convivencia os nenos potenciaron os valores sociais, a resolución de conflitos, o traballo cooperativo, a solidariedade e a igualdade de xénero. Fortaleceron os seus lazos de unión do grupo de Noia e Vigo e desfrutaron de experiencias de contacto coa natureza e de relación con Xesús.

Alcor dorme no cole

​​Un ano máis, os alumnos de secundaria do grupo Alcor pasan a noite no Colexio. Ao rematar o xantar… un rato de estudo, merenda, xincana pola vila e cea. Pechada a noite… búsqueda do tesouro pola finca do cole, xogo da bandeira e película de medo. Risas, caídas, sustos… un itinerario que sempre funciona. Unha tarde diferente e unha noite un pouquiño máis longa. De seguro un bo comezo das vacacións de Semana Santa.

Feliz Mil Albricias

Hoxe reunímonos no Colexio para celebrar o día de María Inmaculada. Unha tradición que se repite ano tras ano, non só nos 21 colexios de España que formamos parte das Fillas de Xesús, senón tamén naqueles lugares nos que está presente a Congregación. Son moitos os alumnos que cantan hoxe o Mil Albricias, que non é outra cousa que expresar que estamos contentos por pertencer a unha gran familia, por ter un gran exemplo de coraxe e entrega e por saber que formamos parte do plan de Deus.

Así, decidímonos a que a alegría forme parte das nosas vidas, a que a paz estea nas nosas conciencias e a que os nosos actos constrúan un mundo mellor. Certo é que necesitamos axuda.

Pero a Nai Cándida tamén a precisou, por iso se puxo baixo a protección doutra gran muller que dixo Sí a unha proposta de Deus, e que non é outra que: A Virxe María. Por iso, a Nai Cándida escolleu o día da Inmaculada Concepción para o nacemento da Congregación, alá polo 8 de decembro de 1871 en Salamanca. Por iso hoxe lle dedicamos a nosa festa.

Ao rematar este acto, festexamos este día cunha chocolatada organizada polo grupo Alcor.

Despedida de curso

Chegou o momento de botar a vista atrás, de recordar todo o contecido neste ano 2016/17, e facer lista de ilusións e desexos para o seguinte. Chegou o último día de Alcor e xuntos estivemos reflexionando sobre todo o vivido, ademais de xogar, refrescarnos cunhas golosinas de xeo e seguir personalizando a nosa pañoleta ou levando na muñeca a nova pulseira de Alcor, vistes que chulas? Agardámovos para o ano que ven!!

Pañoleta de Alcor

Hoxe foi un día moi especial para os membros de Alcor, recordamos todos xuntos este ano 2016-17, as convivencias, as actividades, os xogos, as experiencias vividas… E foi momento da imposición das pañoletas, de personalizacións e de estrelas cheo de emoción, para despois ir de camiñata ata a praia: xogos, baños, paseos pola praia…

El pase de diapositivas requiere JavaScript.

Convivencia de Alcor na Fontiña

Que gran experiencia!! Pasamos dous días de convivencia en A Fontiña cos compañeiros do Colexio Miralba de Vigo, dous días de compañeirismo, amizade, traballo en equipo, solidaridade… E moitos máis valores, o que, en definitiva, é Alcor!

Chegamos o venres pola tarde para comezar o noso campamento indio, cada un de nós tivo a sua propia tribu (con nome, baile e ata grito de “guerra” propio) para a partir do “bautismo de fuego” traballar en equipo superando as probas que, como na vida, íansenos aparecendo.

El pase de diapositivas requiere JavaScript.