Cartas en francés

Chegounos o anuncio dunha profesora francesa que decidiu levar un proxecto moi interesante ao longo deste curso cos seus alumnos: recibir cartas de todas partes do mundo!!
A clase de 5º A EP decidimos poñernos mans á obra e con moito esforzo redactar tamén unha carta. A nosa primeira carta en francés! Falamos do noso cole, das festas, da comida, da música e dos monumentos galegos.
Esperamos que lles guste a nosa participación no seu proxecto e que nos poidan responder pronto.

Aprendemos a construír frases… en francés

Rematamos o primeiro trimestre na Extraescolar de Francés traballando máis a nosa expresión: empregar correctamente un dicionario bilingüe, construír frases, redactar cartas sinxelas, describirnos, apoyar a expresión oral coa escrita… Todas estas tarefas non son sinxelas, pero estamos avanzando moi ben e preparados para un 2º trimestre.
Gustounos moito en 4ºEP traballar coa axuda do Petit Prince. Algúns coñecemos por primeira vez a este curioso personaxe e o máis seguro é que acabaría aprobando algunha das nosas ovellas tan orixinais.

¡A caixa máxica de xadrez!

Na actividade extraescolar de xadrez, os nenos e nenas de educación infantil coñecen pouco a pouco as pezas do xogo e os seus movementos.

Tras un mes de actividades, apareceu polas aulas a “Caixa máxica” do xadrez, da cal os pequenos foron sacando as pezas, recordando o seu nome e colocándoas no taboleiro no seu lugar correspondente.

Aprendemos a pensar, planificar e respectar turnos. Traballamos valores e, sobre todo, ¡divertímonos moito!

Extraescolar de francés

Comezamos coa actividade extraescolar de Francés no mes de outubro. Os pequenos de 1º EP fixeron o seu primeiro contacto con esta nova lingua e están moi motivados para participar nos xogos: xa saben saudar, presentarse, despedirse, pedir para ir ao baño, e moitas cousas máis.
Os que tiveron Francés nos cursos anteriores estiveron revisando o que xa saben e comezaron a descubrir novas palabras e frases.
Os de 2º EP xogaron cos números e os de 3º están traballando co vocabulario da roupa. Os de 4º EP animáronse a construir as súas primeiras frases, ao mesmo tempo que están descubrindo o personaxe do Principiño (Le Petit Prince). Os de 5º EP están traballando coa descrición física axudándose dos personaxes da película Trolls, e os de 6º xogaron a ser reporteiros e agora están aprendendo a distinguir os diferentes tipos de saúdo.
A Biblioteca Ambulante xa está tamén en marcha. Bonne lecture à tous!!

Premio para Fernando (Biblioteca Ambulante de Francés)

Durante o curso, os alumnos de Primaria levaron para a casa durante unha semana un libro en francés: unha lectura libre para ir coñecendo a lingua francesa. Esforzáronse moito e implicaron tamén a pais, irmáns ou amigos para que os axudasen.
Hai que destacar en especial o traballo de Fernando de 3º EP sobre a lectura de Le garçon qui collectionnait les boîtes, polo que recibiu un premio.