Xuntos no camiño de Xesús!

Despois de 7 meses poñemos fin á Catequese Familiar 17-18 cun acto tan alegre como emotivo. A preparación á Primeira Comuñón é un momento moi especial e importante, pois axúdanos a aprender a dialogar con Xesús e a recibir o seu cariño tamén na celebración da Eucaristía. Nestes meses tivemos a oportunidade de vivir a experiencia de ser parte da familia de Deus, tanto no Colexio como na Igrexa. Xuntos compartimos momentos de oración, cancións, bailes e todo tipo de actividades que a Catequese nos ofrece. Agradecer ás familias a decisión de vivir a fe no Colexio. Aquí vos deixamos unha pequena mostra do vivido. Continuamos no camiño de Xesús!

Mercadillo artesanal FASFI

Hoxe celebramos o día FASFI xunto co de María Antonia Bandrés que recollemos co lema “Recetas que aprovechan”. E como o fixemos? Cun Mercadillo artesanal solidario durante o recreo. Os nosos alumnos quixeron poñerse mans á obra para poder sumar e aportar ao proxecto que hai tempo iniciaba a Nai Cándida e que M. A. Bandrés tamén compartía, que non era outro que axudar aos que máis o necesitaban. Tendo claro o obxectivo, alumnos de madrugadores, costura, manualidades e ALCOR puxéronse a elaborar desde accesorios para o pelo ata portavelas moi traballados.

Tamén houbo un espazo adicado á concienciación do coidado do medio ambiente, que é outro dos nosos obxectivos principais non só na semana FASFI. É de vital importancia entender a conexión que teñen as nosas condutas alimentarias e o impacto que causan no medio.
A verdade é que foi un labor enorme de sensibilización por parte dos alumnos que podemos resumir en catro palabras: “de hacerlo, hacerlo entero”; e iso foi o que fixeron!

Deportivamente solidarios!

Dentro das actividades dos Proxectos en colaboración con FASFI celebramos o Deporte Solidario, no que participaron tanto alumnos como mestres. A xornada estivo chea de xogos e puidemos practicar deportes variados nos que os alumnos puideron disfrutar do traballo en equipo e da importancia de levar uns hábitos de vida saudables para sentirnos ben.

Os alumnos de Infantil participaron nun pequeno circuíto no que puxeron a proba as súas habilidades.
En Primaria aproveitaron as instalacións do patio para facer as súas competicións, mentres que os máis maiores do colexio disfrutaron dun “Torneo Cúbico” no que practicaron fútbol sala, hockey e baloncesto.
Foi unha xornada estupenda no que o mellor foi poder compartila xuntos sendo un pouquiño máis solidarios.

Xesús resucitou!

O venres tivemos a celebración da Pascua, con moita alegría e ilusión celebramos a resurrección de Xesús. Foi un longo camiño ata aquí, un camiño que coñecemos como Coresma. Desde os máis pequenos ata os máis maiores coñeceron a importancia deste camiño de cambio, de deixar atrás os malos pensamentos e comportamentos e practicar máis os bos. Nesas semanas de Coresma, cada clase preparou as súas receitas para alimentar o interior, e todo ese esforzo e traballo veuse durante toda a celebración eucarística, tendo como símbolo o corazón. Nesta celebración déronse pistas de como achegarnos a Xesús a través dos sentidos: mirar con esperanza, escoitar sen egoísmos, contacto respetuoso cos demais, recoñecer a esencia de Xesús mediante o olfacto e o gusto de alimentarnos axudando aos que máis o necesitan. Os alumnos de Infantil fixeron unha pequena representación de como temos que empregar o noso corpo para atopar a Xesús en pequenas accións do día a día. Finalmente, e como non podía ser menos, rematamos co baile final de “Vida”, que tras moitos ensaios quedou xenial!

Un recreo solidario

Dentro das actividades programadas para a axuda dos Proxectos Solidarios, o venres celebramos un recreo diferente no Colexio. Durante esta hora en cuestión parámonos a tomar conciencia sobre as persoas ás que estamos axudando, onde viven, como é o seu día a día; é dicir, profundizamos máis sobre o Proxecto Mambré en Málaga e o Proxecto en Elías Piña. E como o fixemos? Dunha maneira moi divertida, cun Rosco FASFI no que todos aprendemos un montón de cousas novas sobre como ser mellores misioneiros. Puidemos dar grazas sobre todo o que temos e sensibilizarnos cos que non teñen a mesma sorte, desta maneira, deixamos a un lado as grandes merendas de todos os días por un anaquiño de pizza coa que colaboramos para conseguir un mundo máis xusto para todos.

Aquí vos deixamos unha pequena mostra do vivido. Moitas grazas a todos polas vosas aportacións aos Proxectos FASFI.

Discípulos de Xesús, irmáns de todos

Na Catequese Familiar quixemos saber máis sobre os amigos e seguidores máis cercanos a Xesús, quen eran en realidade, como de amigos eran, como vivían antes de seguilo, de que traballaban, etc. Puidemos profundizar cun pequeno xogo no que cada alumno foi un Apóstolo. Despois de investigar e coñecer en profundidade o seu papel presentáronse ao grupo e así, todos souberon da vida de todos. Pasárono xenial!

Ademais esta dinámica xa nos foi moi ben para analizar cales foron os pasos de Xesús antes da súa Resurrección e descubrir algúns dos misterios da Semana Santa.

A conclusión á que chegamos foi a decidirnos a ser Apóstolos non só por un día.

Proxectos Solidarios 2017-18

Como cada ano, o noso colexio xunto cos outros dous colexios de Galicia das Fillas de Xesús, situados na Coruña e Vigo, escollemos algún proxecto solidario para colaborar con FASFI. Para este curso decidimos comprometernos co Proxecto “Mambré” en Málaga e con Elías Piña para a axuda dunha cisterna de auga. Poñemos á vosa disposición toda a información nas seguintes ligazóns. Tamén dispoñedes de máis datos sobre o labor que leva a cabo esta asociación no apartado “Enlaces de interese” adicado a FASFI na marxe dereita desta mesma web.

Proxecto Solidario Mambré

Proxecto Solidario Elías Piña