EnREDados pola inclusión

O pasado martes tivemos a gran sorte de contar con catro usuarios da Creba que acompañados por Teresuca, a súa monitora, prepararon con moitísima ilusión uns talleres de calceta, feltro e cestería para os nosos nenos e nenas de 5°, 6° e 1° ESO. Foi unha experiencia única na que puidemos compartir traballo, risas, agobios e satisfacción dun traballo ben feito con persoas dunha gran calidade humana. Volvede pronto. As portas do noso cole sempre as tendes abiertas.

Información dos exames de Cambridge

Como en anos anteriores sobre estas datas, enviamos a información da convocatoria para realizar os Exames de Cambridge no noso colexio.

Para os niveis KET (A2) e PET (B1) sempre e cando haxa un número mínimo de alumnos/as.

Animámosvos a que os vosos fillos/as se presenten porque cremos que é importante ofrecerlles a oportunidade de familiarizarse cos exames internacionais de idiomas e que comecen a ser avaliados cos criterios internacionais. Se queredes máis información sobre os exames ou vos xorden dúbidas, podedes preguntar aos profesores de inglés dos vosos fillos ou consultar directamente a páxina oficial de Cambridge English www.cambridgeenglish.org.

DATA: 1 DE XUÑO (SÁBADO)
LUGAR: COLEXIO Mª ASSUMPTA
CENTRO EXAMINADOR: EL CENTRO BRITÁNICO

NIVEL:

  • YLE Starters: De 7 a 13 anos (+/- 2º E.P.)
  • YLE Movers: De 7 a 13 anos (+/- 4º E.P.)
  • YLE Flyers: De 7 a 13 anos (+/- 6º E.P.)

NIVEL (ESO):

  • KET (A2)
  • PET (B1)

 

Día da Muller

O pasado día 8 Marzo celebramos no colexio o Día da Muller cunha serie de actividades para visibilizar e concienciar aos alumnos e alumnas de que todos somos persoas e debemos ser tratados por igual. Así comezou o día cunha mesa de experiencias de mulleres cercanas onde explicaban as distintas realidades atopadas no seu entorno familiar, laboral e social. Tivemos tempo para compartir experiencias cunha enfermeira, unha garda civil, unha nai e traballadora na casa e unha auténtica polifacética. O alumnado participou con preguntas e aportacións persoais desta temática que nos afecta a todos no día a día. No recreo tamén tivemos un acto solidario para reivindicar a situación da muller, onde as mulleres do colexio desfrutaron dun recreo tranquilo e con menos tarefas que noutros días.

O alumnado máis pequeno participou con diversa decoración reivindicativa sobre a celebración do día 8 de marzo, onde amosaban a distintas mulleres traballando en distintos ámbitos laborais.

Moitísimas grazas a Elda, Beatriz, Maite e Salomé por querer compartir con nós as súas experiencias e a todas as familias pola vosa implicación nas distintas actividades.

 

Máis imaxes e vídeos:

Leer más

Entroido espacial!

Un ano máis a festividade do Entroido convocounos a unha celebración en familia, onde alumnos, mestres, pais, nais, avós… demos acollida ao noso Cabo Cañaveral particular e máis en concreto do noso centro Espacial de C.F., E.S.O., E. Primaria e E. Infantil, de onde despegamos a unha misión chea de ilusión e fantasía.

Grazas a todos por acompañarnos nesta tarde tan especial!

Máis imaxes:

Leer más

Rosalía no Maria Assumpta

“COA FRESCURA DOS CAMPOS DE NOIA E AS ALMAS…” comezamos no colexio Maria Assumpta a festa de Rosalía de Castro.

Defensora temperá dos dereitos das mulleres loitou toda a súa vida contra vento e marea para chegar onde ela quería; escribir o que sabía e sentía.

Cun feixe de cancións, poemas e unha pequena e bonita representación ondeamos no inmenso e profundo traballo desta poetisa nacida un 24 de febreiro en Santiago de Compostela.

“NASÍN CANDO AS PRANTAS NASEN, NO MES DAS FROLES NASÍN….”

No noso colexio celebramos o teu día dándoche todo e canto puidemos dar…

Saída cultural de 2º ESO a Santiago

O pasado luns os alumnos de 2º de ESO tivemos a segunda saída cultural do curso. Estivemos na USC visitando o CITIUS (Centro Singular de Investigación en Tecnoloxías da Información) onde algúns tiveron a sorte de “manexar” un robot. Logo coñecimos o funcionamento e organización dunha facultade universitaria, así como a súa biblioteca. O tempo deixounos dar un paseo pola Alameda e o casco histórico e rematamos o día cun pouco de tempo de ocio.

Excursión de 1º ESO a Cabana de Bergantiños

Os segredos do Neolítico agardábannos este luns 04 de febreiro en Cabana de Bergantiños. No espazo didáctico do Dolmen de Dombate descubrimos un lugar emblemático de gran valor arqueolóxico.

Mediante un obradoiro didáctico proposto por dous monitores, tivemos a oportunidade de reproducir os misteriosos debuxos que foron descubertos no interior do dolmen. Tamén nos explicaron con detalle a vida dos habitantes galegos de hai 5000 anos!!

Rematamos a xornada cun paseo por Laxe.