Francés en Primaria

A horiña semanal de Extraescolar de Francés deu para moito no segundo trimestre. Dende 1º EP ata 6º EP, realizáronse un montón de actividades para avanzar na aprendizaxe desta fermosa lingua: a creación de bandas deseñadas en 6º EP, unha “chasse aux œufs” moi especial en 3º EP, un desfile de máscaras de Carnaval en 4ºEP, e moitas máis actividades para aprender expresións e vocabulario novo. Sen esquecer que continuamos coa Biblioteca Ambulante e moitos alumnos puideron compartir na casa a lectura dun libro en francés.

Visita ao xeriátrico

Tocou merendola e cantarea.
O luns, os alumn@s de 4º de E.P. visitamos o xeriátrico para participar nunha actividade de cociña. Fixemos un doce moi rico pero o mellor foi falar coa xente maior que nos fixo cómplice do seu andar pola vida, cantares e outras.
Grazas, grazas, grazas… Unha experiencia fantástica.

Persoas que fan camiño en 4º de Primaria

Jane Goodall tratou sempre de conciliar a vida humana coa vida salvaxe. Ann Frank deixounos no seu humilde diario leccións de Historia das que non se deben repetir. Florence Nightingale forxou as bases da enfermaría. Con Simone Biles e David Meca falamos de esforzo, superación e satisfacción polos propios logros. Teresa de Calcuta, Nelson Mandela, M. Luther K., Gandhi, Ibu Kartini, Clara Campoamor, Cándida María de Xesús… loitaron polos dereitos igualitarios baseados na educación e no valor da persoa. E por suposto o noso Anxo Carracedo, o científico que quería ser fareiro, é hoxe unha cálida luz para a Ciencia.