Aprendemos a construír frases… en francés

Rematamos o primeiro trimestre na Extraescolar de Francés traballando máis a nosa expresión: empregar correctamente un dicionario bilingüe, construír frases, redactar cartas sinxelas, describirnos, apoyar a expresión oral coa escrita… Todas estas tarefas non son sinxelas, pero estamos avanzando moi ben e preparados para un 2º trimestre.
Gustounos moito en 4ºEP traballar coa axuda do Petit Prince. Algúns coñecemos por primeira vez a este curioso personaxe e o máis seguro é que acabaría aprobando algunha das nosas ovellas tan orixinais.

Avanzamos co intercambio

O noso Intercambio co Colexio francés Le Prieuré segue avanzando. Xa coñecemos algo ao neno ou á nena que nos vai acoller na súa casa e que vai vir á nosa no mes de abril. Xa nos tarda encontrarnos en persoa!! Só quedan tres meses!!
Ata agora presentámonos por correspondencia, escribimos unha postal para felicitar o Nadal á súa familia e gravamos un vídeo para o Colexio. E eles tamén nos enviaron as súas “cartes de vœux”!!!
Pronto comezaremos a falar tamén por Skype dende o Cole.

Analizamos o noso sangue

Se non sabes o teu grupo sanguíneo achégate ao laboratorio do noso colexio e analizamos o teu grupo sanguíneo, so un pinchaciño e en 5 minutos teremos o resultado.
Isto facémolo como unha práctica de laboratorio cando estudamos o ADN, a Xenética, esa ciencia que cromosoma a cromosoma nos vai axudando a coñecer ó ser humano, a evitar enfermidades, a mellorar a vida, pero ollo!!! dende o respeto e dende a clara visión de que ningún ser humano, de ningunha raza nin condición, ten dereitos sobre a vida de outros.

Celebrando o Nadal de Xesús

A comunidade educativa do colexio Maria Assumpta tivemos este xoves a nosa particular celebración de Nadal. Todos xuntos baixamos ao pobo para festexar o nacemento de Xesús, que especialmente para nós é motivo de boas novas, aínda que sempre o levemos presente nos nosos corazóns. O acto eucarístico tivo lugar na Parroquia de San Martín, que con gran ilusión nos abreu as súas portas para facernos presentes no nacemento máis especial do ano. En familia e entre cánticos e panxoliñas disfrutamos de diferentes momentos que, sen dúbida, nos levamos como referente das nosas vidas.
Os nosos agradecementos a todas as persoas e organismos que fixeron que esta celebración saíse así de estupenda: Comunidade Educativa do Colexio Maria Assumpta, Parroquia de San Martín, Concello, Protección Civil e Policía Local de Noia, Radio Líder, Voz de Galicia e Canal TV.
Desexámosvos a todos un Bo Nadal!

Programa becas FEUGA

Os alumnos e alumnas de CFGM de Xestión Administrativa e de Actividades comerciais asistimos a unha charla explicativa impartida por un membro da Fundación Feuga, onde se nos explicou o programa de becas de Formación Profesional (PBFP). Trátase dunhas becas remuneradas que facilitan que os alumnos sigan ampliando a súa formación mediante o contacto directo con profesionais da súa rama. Deste modo, desenvolven habilidades e competencias profesionais e persoais grazas ás prácticas realizadas nun entorno empresarial real.
A charla foi moi interesante, estamos Decididos a inscribirnos no portal de becas Feuga e probar sorte!!!

Escaparates cheos de vida

Os alumnos e alumnas de primeiro curso do CFGM de Actividades Comerciais encheron os escaparates da Vila de Noia de vida e cor facendo de maniquís humanos, unha estratexia pouco convencional á que recorren comerciantes e tendas co obxectivo de captar a atención dos transeúntes e mellorar as vendas.

Foi unha experciencia moi boa para o alumnado en todos os sentidos.
Grazas a todos os establecementos que tan amablemente colaboraron e fixeron posible esta actividade.​​​​